कोरोना संक्रमित ६ वर्षीय बालक ठिक भएर घर फर्किएपछि आयो यस्तो भिडियो

एजेन्सी । अमेरिकामा कोरोना संक्रमित ६ वर्षीय एक बालक ठिक भएर घर फर्केका छन् ।

विभिन्न सञ्चारमाध्यममा आएका खबरअनुसार, अमेरिकाको टेनेसीमा बस्ने ६ वर्षीय जोसेफ बोसैनलाई सिस्टिक फाइब्रोसिस नामक फोक्सोसम्बन्धी रोग छ । उनलाई कोरोनाभाइरसले पनि आक्रमण गरेको थियो तर उनले त्यसलाई हराए । जोसेफ आफूलाई योद्धा भन्न रुचाउँछन् । 

जोसेफकी आमाले फेसबूकमा उसको भिडियो पोस्ट गरेकी छन् । त्यसमा ऊ परिवार र साथीभाइलाई धन्यवाद भनिरहेको र आफूलाई कार्ड, उपहार तथा शुभकामना पठाउनेका बारेमा कुरा गरिरहेको पनि देखिन्छ । 

जोसेफले भिडियोमा भनेका छन्, ‘म सिस्टिक फाइब्रोसिस योद्धा हुँ र मैले कोभिड–१९ लाई हराएको छु ।’

जोसेफकी आमाले बताएअनुसार, मार्च १९ मा उसलाई कोरोना लागेको थाहा भयो । शुरूमा उसलाई खोकी र रुघा लाग्यो । उसलाई क्लार्क्सभिलमा रहेको मोनरो क्यारोल जुनियर बाल अस्पताल लगियो । त्यहाँ कोरोनाको लक्षण देखिएपछि उसको उपचार शुरू गरियो । 

जोसेफलाई उपचारले बिस्तारै ठीक गर्दै गयो । लक्षण हटेपछि पनि दुई हप्तासम्म ऊ घरमा आइसोलेसनमा बस्यो ।