एजेन्सी । बेल्जियन क्लब ब्रगमाथि गोलको वर्षा गर्दै इङ्लिस क्लब म्यानचेस्टर युनाइटेड युरोपा लिग फुटबलको प्रिक्वार्टरफाइनलमा प्रवेश गरेको छ । बिहीबार राति भएको दोस्रो लिगमा युनाइटेडले ब्रगलाई ५–० गोलले हरायो ।
समग्रमा युनाइटेडले ६–१ गेलको जित निकाल्दै अन्तिम १६ मा स्थान बनाएको हो । पहिलो लिगमा दुवै टोलीले १–१ गोलको बराबरी खेलेका थिए । राउन्ड अफ ३२ को दोस्रो लेगमा ५–० को सानदार जित निकाल्दै युनाइटेड अन्तिम १६ मा पुग्न सफल भएको हो ।
१० खेलाडीमा समेटिएको क्लब ब्रगलाई हराउन युनाइटेडका फ्रेडले दुई गोल गरे । ब्रुनो फर्नान्डेज, ओडिन इघालो र स्कट म्याक टोमिनेले गोल गरे । ब्रुनोले २७ औं मिनेटमा पेनाल्टी मार्फत पहिलो गोल गरेका थिए ।
ओडिनले ३४ औं र स्कटले ४१ औं मिनेटमा गोल गरे । फ्रेडले ८२ औं र ९० औं मिनेटमा ब्यक्तिगत दुई गोल थपेका थिए । यसअघि २३ औं मिनेटमा क्लब ब्रग १० खेलाडीमा समेटिएको थियो ।
म्याक टोमिनेलाई डिबक्स भित्र फल हानेपछि माथि सिमोन डेली रातो कार्ड पाउँदै बाहिरिएका थिए । जसको फाइदा युनाइटेडले भरपुर उठायो । अर्को खेलमा आर्सनल ओलम्पियाकोससँग २–१ गोलले पराजित हुँदै अन्तिम ३२ बाटै बाहिरिएको छ ।
प्रतिक्रिया दिनुहोस
सम्बन्धित समाचारहरु
म्यानचेस्टर सिटी इन्टर मिलानसँग बराबरीमा रोकियो
म्यानचेस्टर युनाइटेडले जित्यो एफए कपको उपाधि
म्यानचेस्टर सिटीले जित्यो प्रिमियर लिगको उपाधि
म्यानचेस्टर युनाइटेडले पहिलोपटक जित्यो महिला एफए कपको उपाधि
ब्राइटनलाई हराउँदै दोस्रो स्थानमा उक्लियो म्यानचेस्टर सिटी
म्यानचेस्टर सिटी एफए कपको फाइनलमा