काठमाडौँ । टोटनह्यामले म्यानचेस्टर सिटीमाथि शानदार जित हासिल गरेको छ ।
इङलिश प्रिमियर लिग अन्तर्गत गएराती सम्पन्न खेलमा टोटनह्यामले म्यानचेस्टर सिटीलाई उसकै घरेलु मैदानमा ४-० गोल अन्तरले पराजित गरेको हो ।
टोटनह्यामको जितमा जेम्स माडिसनले २ गोल गरेका थिए भने पेड्रो पोर्रो र ब्रेनान जोन्सनले एक एक गोल गरेका थिए ।
यो जितपछि टोटनह्यामले महत्वपूर्ण ३ अंक हासिल गर्दै लिमा छैटौं स्थानमा उक्लिएको छ । टोटनह्यामको १२ खेलमा १९ अंक भएको छ ।
त्यस्तै म्यानचेस्टर सिटीले भने यस सिजनमा तेस्रो हार बेहोरेको छ । १२ खेलमा २३ अंक रहेको म्यानचेस्टर सिटी दोस्रो स्थानमा रहेको छ । एक खेल कम खेलेको लिभरपुलभन्दा ५ अंकले पछाडी रहेको म्यानचेस्टर सिटीको उपाधि दौडमा यस हारले ठुलो धक्का लागेको छ ।
प्रतिक्रिया दिनुहोस
सफल खबर संवाददाता
आइतबार, ०९ मंसिर २०८१, ०८ : ४०
लेखकबाट थप