सामुदायिक क्याम्पसको पूर्वाधार निर्माणमा १४ करोड

दाङ ।  प्रदेश ५ सरकारले सामुदायिक क्याम्पसको पूर्वाधार निर्माणका साथै स्तरउन्नती गर्न चालु आर्थिक वर्षमा १४ करोड रुपैयाँ विनियोजन गरेको छ। प्रदेश सरकारले प्रदेश ५ मा रहेका सामुदायिक क्याम्पसका लागि १४ करोड रुपैयाँ बजेट विनियोजन गरेको छ । प्रदेश अन्र्तगतका विभिन्न जिल्लामा ६० क्याम्पसका लागि यो रकम प्रदेशको बजेटबाट अनुदान दिइएको हो । 

सामाजिक विकास मन्त्रालय शिक्षा तथा समाजिक विकास निर्देशनालयले आफ्नो प्रदेशभित्र रहेका ६० वटा सामुदायिक क्याम्पसको स्तरोन्नतीका रकमको व्यवस्थापन गरेको जनाएको छ । ५ प्रदेश सरकारले दाङसहित विभिन्न जिल्लाका क्याम्पसको स्तरोन्नतीका लागि १३ करोड ५० लाख रुपैयाँ बजेट विनियोजन गरेको छ । प्रदेशका विभिन्न जिल्लामा रहेका क्याम्पसको शैक्षिक गुणस्तर अभिवृद्धिका लागि पूर्वाधार सहयोग कार्यक्रमअन्र्तगत क्याम्पसलाई उक्त रकम उपलब्ध गराउने भएको हो । 

जसमध्ये दाङमा रहेका विभिन्न क्याम्पसको भौतिक पूर्वाधार निर्माणका लागि १ करोड ४३ लाख रुपैयाँ विनियोजन भएको छ । जिल्लामा रहेका विभिन्न सामुदायिक क्याम्पसको शैक्षिक स्तरोन्नतीका लागि  प्रदेश ५ सरकार सामाजिक विकास मन्त्रालय अन्तर्गतको शिक्षा तथा समाजिक विकास निर्देशनालयले क्याम्पसको पूर्वाधार निर्माण र स्तरोन्नतीका लागि उक्त रकम विनियोजन गरेको हो । 

सामाजिक विकास डिभिजन कार्यालय दाङले क्याम्पसको स्तरउन्नतीका लागि दाङमा पनि रकम आएको बताएको छ । कार्यालय प्रमुख माधव बञ्जाडेले दाङका विभिन्न शीर्षकमा गरेर पाँच सामुदायिक क्याम्पसका लागि रकम आएको बताए । प्रदेश ५ सरकारले जिल्लामा रहेका सामुदायिक क्याम्पसको शैक्षिक अवस्था सुधारका लागि १ करोड ४३ लाख वजेट विनियोजन गरेको छ । 

जसअन्तर्गत तुलसीपुरमा रहेको राप्ती बबई क्याम्पसमा चमेना गृह निर्माणका लागि ३० लाख बजेट विनियोजन गरेको छ । भने घोराहीमा रहेको पद्मोदय क्याम्पसको भवन निर्माणका लागि ६० लाख बजेट विनियोजन गरेको छ । त्यस्तै लमही  नगरपालिकामा रहेको देउखुरी बहुमुखी क्याम्पसमा ट्रष्ट निर्माणका लागि ३० लाख बजेट छुट्याएको छ ।

त्यसैगरी राप्ती गाउँपालिकामा रहेको ऐरावति आदर्श बहुमुखी क्याम्पसको शौचालय मर्मतका लागि १३ लाख बजेट विनियोजन गरेको छ भने गढवा गाउँपालिकाको गढवा बुहमुखी क्याम्पसमा सूचना प्रविधि जडानका लागि १० लाख बजेट विनियोजन गरेको छ।  त्यस्तै रुपन्देही जिल्लाका १२ वटा क्याम्पसका लागि २ करोड १० लाख, कपिलवस्तु जिल्लाका ७ वटा क्याम्पसका लागि १ करोड ३५ लाख वजेट विनियोजन गरिएको छ । नवलपरासी जिल्लामा रहेका विभिन्न ६ सामुदायिक क्याम्पसको स्तरोन्नतीका लागि १ करोड १५ लाख रकम विनियोजन गरिएको छ। 

त्यसैगरी पाल्पाका ७ क्याम्पसका लागि १ करोड ३० लाख, गुल्मीका ६ वटा क्याम्पसका लागि १ करोड ३९ लाख, अर्घाखाँची जिल्लाका ३ क्याम्पसका लागि ९१ लाख बजेट विनियोजन गरिएको छ । यस्तै बर्दियाका ८ वटा क्याम्पसका लागि १ करोड ४७ लाख बजेट विनियोजन गरिएको छ भने बाँकेका २ क्याम्पसका लागि ८० लाख बजेट विनियोज गरिएको छ । 

पूर्वी रुकुमको सिस्ने शिक्षा क्याम्पसको भवन निर्माणका लागि ६० लाख बजेट विनियोजन गरेको छ भने प्युठानका ४ सामुदायिक क्याम्पसको भौतिक पूर्वाधार निर्माणका लागि १ करोड बजेट विनियोजन गरिएको हो । सरकारले उपलव्ध गराएको अनुदान रकम तोकिएको पूर्वाधारमा मात्र खर्च गर्न पाउने गरी प्रदेशका ११ वटा जिल्लामा रहेका सामुदायिक क्याम्पसको लागि रकम व्यवस्थापन गरेको छ।  अन्नपुर्ण पोष्ट दैनिकमा खबर छ ।