काठमाडौं । त्रिभुवन अन्तर्राष्ट्रिय विमानस्थलबाट ठूलो परिमाणमा भारतीय नक्कली नोटसहित चार जनालाइ प्रहरीले पक्राउ गरेको छ ।
पक्राउ पर्नेमा युनुस अन्सारीसहित पाकिस्तानी नागरिक नासिर उद्दिन, मोहमत अतर र नादिया अन्बर छन् । तिन पाकिस्तानी नागरिकलाई लिन युनुस विमानस्थल गएका केन्द्रीय प्रहरी प्रवक्ता डीआईजी विश्वराज पोख्रेलले जानकारी दिएका छन् ।
उनले दुई सुटकेस भारु कतारबाट नेपाल भित्र्याउने क्रममा प्रहरीले पक्राउ गरेको त्रिभुवन विमानस्थलका सुरक्षा प्रमुख संदीप भण्डारीले जानकारी दिए। उनीसँगै अन्य ३ जनालाई पनि प्रहरीले नियन्त्रणमा लिएको छ।
‘दुई वटा व्रिफ केशमा नोट बरामद भएको हो , नोट गन्ने काम भइरहेको छ , विमानस्थल भन्सार कार्यालयका प्रमुख गजेन्द्र ठाकुरले भने । विमानस्थल प्रहरी स्रोतका अनुसार कतार एयरवेजमार्फत पाकिस्तानबाट ३ जना काठमाडौं आएका थिए ।
युनुस यसअघि पनि नक्कली भारतीय रुपैयाँ कारोबार र लागूपदार्थ कारोबार गरेको आरोपमा पक्राउ परिसकेका व्यक्ति हुन् ।प्रहरीको विशेष ब्युरोले उनलाई ११ माघ ०७० मा अन्सारीलाई ३५ लाख नक्कली भारतीय रुपैयाँसहित ललितपुरबाट पक्राउ गरेको थियो ।
अन्सारीलाई पाँच वर्षअघि विशेष व्यूरोको टोलीले ३५ लाख नक्कली भारतीय रुपैयाँ सहित पक्राउ गरेको थियो।
राजनीति र अपराधको दुनियामा युनुस नयाँ नाम होइन। नक्कली नोट काण्डमा पटक पटक परेका युनुस नेशनल टेलिभिजनका संस्थापकसमेत रहे। टेलिभिजन र सिनेमामा समेत लगानी गरेका युनुस पूर्वमन्त्री सलिम मिया अन्सारीका छोरा हुन्। सलिम मिया अन्सारीको ५ वर्ष अघि मृत्यु भइसकेको छ।
सलिम मिया तत्कालीन नेकपा एमाले हुँदै शाही शासनकालमा राजवादी बनेका थिए। त्यसपछि राप्रपा हुँदै फेरि माओवादी प्रवेश गरेका थिए।
प्रतिक्रिया दिनुहोस
सफल खबर संवाददाता
शुक्रबार, १० जेठ २०७६, १४ : ०१
लेखकबाट थप