काठमाडौँ । एमाले अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहाल प्रचण्डबीच छलफल भएको छ ।
बैंककमा स्वास्थ्य उपचार गरेर फर्किएका ओलीलाई भेट्न प्रचण्ड बालकोट पुगेका थिए । दुई नेताबीच झण्डै ३ घन्टा छलफल भएको प्रचण्डका प्रेस संयोजक मनहरी तिमिल्सिनाले जानकारी दिए ।
उनका अनुसार छलफलमा कार्यदलको रिपोर्ट, प्रदेश सरकारको गठन र राष्ट्रिय सभा निर्वाचनको विषयमा छलफल भएको थियो । कार्यदलल दिएको प्रतिवेदनमा आवश्यक परेमा सामान्य हेरफेर गरेर अन्तिम रुप दिने सहमाति भएको छ ।
पार्टी एकतालाई अन्तिम रुप दिन भोलि दुई अध्यक्षबीच कुराकानी हुने र माघ ७ गते पार्टी एकता संयोजन समितिको बैठक बस्ने मनहरी तिमिल्सिनाले बताए ।
प्रतिक्रिया दिनुहोस