अभिनेत्री श्रद्धा कपुरले हालै आफ्नो ३२औँ जन्मदिन मनाइन् । जन्मदिनमा श्रद्धालाई सेलेब्रिटीबाट मात्र होइन, सामाजिक सञ्जालमा फ्यानको पनि शुभकामनाको ओइरो लाग्यो । जन्मदिनको दिन श्रद्धा मुम्बई एयरपोर्ट पुगेकी थिइन्, एयरपोर्टमै फ्यानले दिएको सरप्राइजले उनी छक्क परिन् ।
श्रद्धाको एयरपोर्टको फोटो र भिडियो अहिले सामाजिक सञ्जालमा तीव्रताका साथ सेयर भइरहेको छ । उनलाई एयरपोर्टमा देखेपछि फ्यानको भीड लागेको थियो । एक फ्यान त त्यहाँ केक नै लिएर आए । फ्यानको यस्तो सरप्राइज देखेर श्रद्धा निकै खुसी भएको भिडियोमा देखिन्छ । उनले आफ्नो जन्मदिन अभिनेता सुशान्त सिंह राजपुतसँग पनि मनाइन् । पछिल्लो समय उनीहरू ‘छिछोरे’ फिल्मको सुटिङमा व्यस्त छन् । नयाँ पत्रिका
प्रतिक्रिया दिनुहोस