काठमाडौं । हरेक फिल्ममा निर्देशकको सबैभन्दा ठूलो भूमिका हुन्छ । निर्देशक फिल्मलाई आफ्नो हिसाबले प्रस्तुत गर्न चाहन्छन् । तर, केही स्टारहरूले निर्देशकको आदेशलाई अस्वीकार गरको खबर कहिलेकाहीँ आउने गर्छ । यस्तो अवस्थामा निर्देशकहरू अप्ठ्यारोमा पर्छन् । कुनै वेला निर्देशकको आदेश ठाडै अस्वीकार गरेका तीन बलिउड स्टार :
ऋतिक रोशन
निर्देशकको आदेश अस्वीकार गर्नेमा ऋतिक रोशन अगाडि आउँछन् । उनले बारम्बार यस्तो गरेको बताइन्छ । यहाँ एक घटना उल्लेख गर्नु सान्दर्भिक छ । निर्देशक आशुतोष गोवारिकरले निर्देशन गरेको फिल्म ‘मोहेन्जो दारो’को एक सिनमा ऋतिक रोशनले अग्लो स्थानबाट आफैँ दौडिएर झर्नुपर्ने थियो । तर, उनले यो सिन गर्न मानेनन् । उनले आफूले हालै दिमागको सर्जरी गरेको र त्यो सिन गर्न नसक्ने बताएका थिए ।
ऐश्वर्या राय
ऐश्वर्या राय आफ्नो भूमिकाका लागि सधैँ समर्पित हुन्छिन् । यही कारण पनि बलिउडमा उनको प्रशंसा हुन्छ । तर, फिल्म ‘जोधा अकबर’को एक सिनका लागि उनले निर्देशकको आदेश अवज्ञा गरेकी थिइन् । ऋतिक रोशनसँग राजा महाराजाले खाने खाना खानुपर्ने थियो । सबै परिकार घिउबाट बनेको थियो । तर, ऐश्वर्याले आफ्नो स्वास्थ्यको कारण सो खाना खान अस्वीकार गरेकी थिइन् ।
करिना कपुर
प्रकाश झाको फिल्म ‘सत्याग्रह’ सुटिङको वेला निर्देशकको आदेश अस्वीकार गरेर करिना कपुर पनि चर्चामा आएकी थिइन् । फिल्मको गीत ‘रस से भरे तेरा नैना’ मा करिनाले अभिनेता अजय देवगणलाई किस गर्नुपर्ने थियो । तर, उनले यसो गर्न अस्वीकार गरिन् । गीतकोे कथाअनुसार दुवै कलाकारले निकै नजिक भएर किस गरेको दृश्य दिनुपर्ने थियो । तर, करिनाले सुन्नेबित्तिकै ठाडै अस्वीकार गरेकी थिइन् । - नयाँ पत्रिकाबाट
प्रतिक्रिया दिनुहोस