चितवन । भरतपुर महानगरपालिका वडा नम्बर ५, रामबाघस्थित जागृति टोलमा बसको ठक्करबाट एक बालकको मृत्यु भएको छ ।
आज बुधबार दिउँसो ४ बजे भरतपुर १५, मंगलपुरस्थित फियुचर मेन्टेश्वरीको ना. १ क ६३४३ नम्बरको बसबाट झार्ने क्रममा ठक्कर दिँदा सोही मेन्टेश्वरीमा अध्ययन गर्ने धादिङ घर भई भरतपुर ५, मामा घर बस्दै आएका बर्ष ४ का अनम अर्यालको मृत्यु भएको हो ।
ठक्कर दिएपछि गम्भिर घाईते भएका अर्यालको भरतपुर अस्पताल ल्याउने क्रममा बाटोमा मृत्यु भएको प्रहरीले जनाएको छ ।
ठक्कर दिने बसका चालक, सहचालक अहिले जिल्ला प्रहरी कार्यालय चितवनको नियन्त्रणमा रहेको जिल्ला प्रहरी कार्यालय चितवनका प्रमुख सुशिल सिंह राठौरले जानकारी दिनुभयो ।
प्रतिक्रिया दिनुहोस