काठमाडौँ । प्रतिनिधिसभा अन्तर्गतको राज्य व्यवस्था समितिले चैत्र १५ गते भएको घटनाका बिषयमा सरकारको जवाफ माग गर्ने निर्णय गरेको छ ।
बुधबार सिंहदरबारमा बसेको बैठकमा समिति सदस्यहरुले राजावादीको प्रदर्शनका भएको घटनाका बिषयमा गृहमन्त्रीले जवाफ दिनुपर्ने माग गरेपछि समितिले चैत २२ गते शुक्रबारको बैठकमा गृहमन्त्रीलाई बोलाउने निर्णय गरेको हो ।
बैठकमा सांसदहरुले चैत्र १५ गते भएको घटनाका बारेमा सरकारले स्पष्ट पार्नुपर्ने बताएका थिए । साथै उनीहरुले उक्त घटनाको न्यायीक छानविनको समेत माग गरेका छन् ।
कांग्रेस सांसद विश्वप्रकाश शर्माले तीनकुने घटनाको छानबिनका लागि सरकारले न्यायिक छानिबन समिति बनाउनुपर्ने बताए । उनले तीनकुने घटनामा सरकारको बुझाइ समिति समक्ष आउनुपर्ने बताएका थिए ।
त्यस्तै माओवादी केन्द्रका प्रमुख सचेतक हितराज पाण्डेले तीनकुने घटनामा सरकारको कमजोरी देखिएको भन्दै गृहमन्त्रीले जवाफ दिनुपर्ने बताए । आफ्नै प्रहरीले घेरामा रहेका बेलामा दुर्गा प्रसाईंलाई समात्न नसक्ने र अहिले छिटो पक्राउ गछौं भन्दा कसैले पत्याउन नसक्ने उनको भनाई थियो ।
त्यस्तै राप्रपाका सांसद बुद्धिमान तामाङले १५ गतेको घटनामा एकपक्षीय रुपमा राजावादीप्रति खनिएको भन्दै निष्पक्ष न्यायीक छानबिनको माग गरे । राप्रपाका नेताहरु समेत उक्त प्रदर्शनमा जाने तयारी गरेपनि प्रसाईंको फोटो देखेपछि नगएको उनको दावी थियो । तामाङले कार्यक्रम सुरु नहुँदै मञ्चमा अश्रुग्यास प्रहार गरेको देखिएको धारणा राखेका थिए ।
सांसद तामाङले आफ्ना नेताहरुलाई समेत भएभरका कानुन लगाएर थुन्ने काम भएको जिकिर गरे । त्यस्तै अन्य सांसदहरुले राज्य व्यवस्था समितिको क्षेत्राधिकारभित्र पर्ने चैत्र १५ गतेको घटनालाई प्राथमिकतामा नराखेको भन्दै सभापतिको चर्को आलोचना गरेका थिए ।
प्रतिक्रिया दिनुहोस
सफल खबर संवाददाता
बुधबार, २० चैत्र २०८१, १४ : २६
लेखकबाट थप
सम्बन्धित समाचारहरु
१५ गतेको घटनाबारे सरकारको जवाफ माग, २२ गते गृहमन्त्रीलाई झिकाइयो
राज्य व्यवस्था समितिका सभापतिसहित कांग्रेस नेताहरु आन्तरिक छलफलमा
रवि लामिछाने राज्य व्यवस्था समितिबाट पनि निलम्बित
राज्य व्यवस्था समितिमा लेखा समितिका सभापतिको आलोचना
निजी क्षेत्रमा अख्तियार प्रवेश गर्दा कार्यबोझ बढ्छ : दिलेन्द्रप्रसाद बडु
राज्य व्यवस्थासहित तीनवटा समितिको बैठक बस्दै