खानेपानीको मुहानहरूमा भइरहेको राजनीति अन्त्य गर्छौँ : मन्त्री यादव

सफल खबर संवाददाता

शुक्रबार, ०८ चैत्र २०८१, १२ : २१
खानेपानीको मुहानहरूमा भइरहेको राजनीति अन्त्य गर्छौँ : मन्त्री यादव

काठमाडौँ । खानेपानी मन्त्री प्रदीप यादवले पानीका मुहानहरूमा भइरहेको राजनीति अन्त्य गर्ने बताएका छन् । राष्ट्रिय सभाको शुक्रवारको बैठकमा सांसदहरूले सोधेका प्रश्नहरूको जवाफ दिँदै मन्त्री यादवले यस्तो बताएका हुन् ।

उनले एउटा वडाबाट अर्को वडामा पानी जान नदिने प्रवृत्ति मौलाएको भन्दै सरकार यसको अन्त्य गर्नको लागि लागिपरेको बताए । उनले सुकेका खानेपानीको मुहानहरूलाई पुरानै अवस्थामा फर्काउनको लागि प्राथमिकता साथ बजेट विनियोजन गरिने समेत बताए ।

उनले अहिले २७ प्रतिशत जनसङ्ख्या स्वच्छ खानेपानीको पहुँचमा रहेको भन्दै अबको एक वर्षभित्र यो संख्या बढाएर ५७ प्रतिशत पुर्‍याइने समेत दाबी गरे ।उनले आम नागरिकलाई स्वच्छ खानेपानी उपलब्ध गराउने सवालमा सरकार प्रतिबद्ध रहेको बताए । 

प्रतिक्रिया दिनुहोस