काठमाडौँ । नेकपा एमालेले बागमती प्रदेश संसदीय दलका नेता जगन्नाथ थपलियाले राजनीतिक स्थिरताको काम वर्तमान सरकारले गरिरहेको बताएका छन् । उनले वर्तमान सरकार २०८४ सम्म निरन्तर जानेमा शंका नरहेको बताएका हुन् ।
शुक्रबार बसेको प्रदेशसभाको बैठकमा बोल्दै नेता थपलियाले केही विदेशी शक्तिहरू नेपालाई अस्थिरता तर्फ धकेल्न अग्रसर रहेको बताए । नेपाल संघीय गणतन्त्रको अभ्यासमा गरिरहेको र त्यसलाई सफलताका साथ कार्यान्वयन गरिरहेको उनले बताए ।
अहिलेको गठनबन्धन र सरकारले गरेको कामबाट केही व्यक्तिहरूलाई छट्पट्टी भइरहेको उनको भनाई छ । केही विदेशी शक्तिहरू नेपाललाई समाजवाद तर्फ अघि बढ्नबाट रोकिरहेका उनले बताए ।
प्रदेशसभाले राजस्वका क्षेत्र, प्रहरी र निजामती कर्मचारीको अधिकारका सन्दर्भमा छलफल गर्नुपर्ने उनको भनाई छ । संसद्को बहस मेगा प्रोजेक्ट, वैदेशिक सहायता लिने लगायतका क्षेत्रमा अघि बढाउनुपर्ने उनले बताए ।
प्रतिक्रिया दिनुहोस
सफल खबर संवाददाता
शुक्रबार, १८ माघ २०८१, १३ : ३२
लेखकबाट थप