चलचित्र ‘होस्टेल ३’ को दोस्रो गीत ‘मनमा अनौठो’ सार्वजनिक

काठमाडौँ । आगामी फागुन २३ गते रिलिजको तयारीमा रहेको नेपाली चलचित्र ‘होस्टेल ३’ को दोस्रो गीत ‘मनमा अनौठो’ सार्वजनिक भएको छ ।  गीतमा चलचित्रका प्रमुख दुई कलाकार पारस बम (कुलब्वाई) र सिम्रन पन्त फिचर्ड गरिएको छ ।

शब्द तथा सङ्गीत अर्जुन पोखरेलको रहेको गीतमा रेश्मा पुन र उकेश रावलको स्वर छ । भिडियोको कोरियोग्राफी प्रवीण सिंहले गरेका हुन् । गीतले किशोर किशोरीको प्रेमलाई झल्काउँछ । 

चलचित्रको यसअघि ‘टिक टिक टिक’ बोलको गीत सार्वजनिक भएको थियो । गीतले राम्रो चर्चा पाइरहेको छ । ‘होस्टेल ३’ सफल चलचित्र ‘होस्टेल’ को तेस्रो संस्करण हो । चलचित्रको निर्देशन सशान कँडेलले गरेका हुन् ।

चलचित्रमा पारस र सिम्रनसहित रिहान गिरि, आशिष् घिमिरे, पदम तामाङ, हेना नगरकोटी, र समा पराजुली लगायतको अभिनय छ ।सम्मान इन्टरटेनमेन्टले आरोन कन फिल्मससँगको सहकार्यमा निर्माण गरेको चलचित्र सुरेश कँडेल, कर्ण कार्की र गोविन्द अधिकारी तथा कार्यकारी निर्माता शङ्कर कोइराला हुन् ।

सह निर्माताहरू शिशिर ज्ञवाली, कुन्दन गुप्ता र अनीश सिग्देल तथा लाइन प्रोड्युसर कोसिसराज क्षेत्री हुन् । चलचित्रको नेपाल वितरक आरआर फिल्मस र काफिया फिल्मस रहेको छ ।