रुस–युक्रेन युद्धमा ट्रम्पले किन लिए चीनको नाम ?

एजेन्सी । युक्रेनी राष्ट्रपति भोलोदिमिर जेलेन्स्की सम्झौतामा सहमत भएको दाबी अमेरिकी राष्ट्रपति डोनाल्ड ट्रम्पले गरेका छन् । ट्रम्पले केही आदेशमा हस्ताक्षर गरेपछि ओभल अफिसमा पत्रकारहरूको प्रश्नको जवाफ दिने क्रममा यस्तो बताएका हुन् । 

यस क्रममा उनलाई युक्रेन युद्धबारे सोधिएको थियो र यो द्वन्द्वमा चीनले के योगदान दिन सक्छ भन्ने बारेमा पनि सोधिएको थियो । जवाफमा ट्रम्पले चीनको बारेमा भने, ‘रुसमाथि उसको धेरै प्रभाव छ । रूसले चीनलाई ऊर्जा आपूर्ति गर्छ र मैले सुनेको छु कि पुटिन मसँग भेट्न चाहन्छन् ।’

‘यो युद्धलाई अन्त्य गर्नु नै राम्रो हुनेछ, यो बेकारको युद्ध हो ।’ अझ अगाडि उनले भने । यदि भ्लादिमिर पुटिनले युक्रेनमा युद्ध समाप्त गरेनन् भने, उनले रुसमाथि कडा प्रतिबन्ध लगाउने ट्रम्पले हालै चेतावनी दिएका थिए । युद्ध अन्त्य गर्न दबाब दिएर पुटिनमाथि उल्टै कृपा गरिरहेका पनि ट्रम्पले आफ्नो सामाजिक सञ्जाल प्लेटफर्म ट्रुथ सोसलमा लेखेका थिए । 

यसको जवाफमा रुसले चाँहि समान सर्तहरूमा र पारस्परिक सम्मानका साथ वार्ताका लागि तयार रहेको बताएको थियो ।