पेट्रोल र डिजेलको मूल्य बढ्यो

काठमाडौँ।  नेपाल आयल निगमले पेट्रोल र डिजेलको मूल्य बढाउने निर्णय गरेको छ ।

निगम सञ्चालक समितिको बैठकले पेट्रोलको प्रतिलिटर १ र डिजेलको प्रतिलिटर २ रुपैयाँ मूल्य बढाउने निर्णय गरेको हो । बढेको मूल्य आजै मध्यरातिदेखि लागू हुने निगमले जनाएको छ । 

यस्तै निगमले हवाइ इन्धनको मूल्य भने घटाएको छ । जसअनुसार हवाइ इन्धन आन्तरिकतर्फ प्रतिलिटर २ रुपैयाँ घटेको छ भने अन्तरष्ट्रियतर्फ प्रतिकिलोलिटर १५ अमेरिकी डलर घटेको छ ।

भारतीय बजारबाट मूल्य फेरबदल भएर आएसँगै निगमले आन्तरिक बजारमा पनि मूल्य समायोजन गरेको हो।