एजेन्सी । दक्षिण अफ्रिकाले पाकिस्तानसँगको पहिलो टेस्टमा सफलता पाएको छ। सफलतासँगै दक्षिण अफ्रिका विश्व टेस्ट च्याम्पियनसिपको फाइनलमा छनोट भएको छ।
१४८ रनको लक्ष्य पाएको दक्षिण अफ्रिकाले ९९ रन बनाउँदा आठौँ विकेट गुमाएको थियो । कासिगो रबाडा र मार्को जेन्सनले टोलीलाई जित दिलाए।
तीन वर्षपछि टेस्ट टोलीमा फर्किएका मोहम्मद अब्बसले ५४ रन खर्चिएर ६ विकेट लिए पनि उनले टोलीको हार टार्न सकेनन्। पाकिस्तानले सन् २००७ यता दक्षिणी अफ्रिकी भूमिमा ८ टेस्टमा पराजयको सामना गरिसकेको छ।
दक्षिण अफ्रिकाले ३७ रनमा ५ विकेट गुमाएपछि पाकिस्तान जितको नजिक देखिएको थियो। पाकिस्तानी बलरले १२ बलको अन्तरमा ४ विकेटको सफलता पाएका थिए। जेन्सनले १६ तथा रबाडाले ३१ रन जोडे। रबाडाले १२ रन अवस्थामा जीवन दान पाएका थिए। सो समयमा दक्षिण अफ्रिकालाई जितका लागि ३२ रन आवश्यक थियो।
पहिलो पारीमा पाकिस्तानले २११ तथा दक्षिण अफ्रिकाले ३०१ रन जोडेका थिए। दोस्रो पारीमा पाकिस्तानले २३७ बनाएको हो। पहिलो पारीमा ८९ रन जोडेका दक्षिण अफ्रिकी कप्तान आइडन म्याक्रम खेलको म्यान अफ द म्याच घोषित भए।
प्रतिक्रिया दिनुहोस
एजेन्सी
सोमबार, १५ पुस २०८१, ०८ : ४२
लेखकबाट थप
सम्बन्धित समाचारहरु
दक्षिण अफ्रिकालाई पराजित गर्दै न्युजिल्यान्ड च्याम्पियन्स ट्रफीको फाइनलमा
समूह विजेता बन्दै दक्षिण अफ्रिका सेमिफाइनलमा प्रवेश
दक्षिण अफ्रिकामा हुने जी-२० शिखर सम्मेलनमा अमेरिका सहभागी नहुने
दक्षिण अफ्रिकालाई हराउँदै अफगानिस्तानले जित्यो सिरिज
अफगानिस्तानलाई हराउँदै दक्षिण अफ्रिका टी–२० विश्वकपको फाइनलमा
दक्षिण अफ्रिकाको लगातार पाचौं जित