लिभरपुलसँगको दुरी कम गर्दै चेल्सी

एजेन्सी । इङ्लिस प्रिमियर सिपको आइतबार भएको खेलमा चेल्सीले ब्रेन्टफोर्डलाई २-१ ले हराएको छ।

चेल्सीको प्रिमियरसिपको यो लगातार पाँचौँ जित हो। जितसहित चेल्सीले शीर्ष स्थानमा रहेको लिभरपुलसँगको दुरीलाई २ अङ्कमा झारेको छ। लिभरपुलको ३६ तथा चेल्सीको ३४ अङ्क छ।

पहिलो गोल गरेका मार्क कुरेलाले हाफ टाइमपछि रातो कार्ड पाएको सो खेलमा चेल्सीका लागि निकोलास ज्याक्सनले विजयी गोल गरे।

४३ औं मिनेटमा कुरेलाको गोलमा चेल्सीले अग्रता लिएको थियो। ब्रेन्टफोर्डका लागि ब्रायन एम्बुबेले गोल गरे।

अर्को खेलमा टोटनहाम हस्टस्पर्सले पुछारको टोली साउथहाम्टनलाई ५–० ले हराएको छ। सो जितसहित हस्टस्पर्सको ५ खेलको विजयहीन यात्रा सकिएको छ।

जेम्स मेडिसनले दुई गोल गरेको खेलमा सन ह्युङ मीन, डेजान कुलेभ्सी र पेप सारले थप गोल गरे।

अर्को खेलमा ब्रिङटनलाई ३-१ ले हराउँदै क्रिस्टल प्यालेस रेलिगेसन जोनबाट ४ अङ्कले बाहिर निस्केको छ।