मोहम्मद सलह नायक बनेको खेलमा लिभरपुलको जित

एजेन्सी । इङ्लिस प्रिमियरसीप फुटबलमा लिभरपुलको अग्रता अझ फराकिलो बनाएको छ। आइतबार राति भएको खेलमा लिभरपुलले उल्भ्सलाई २-१ ले हराएको हो। सो जितमा मोहम्मद सलह नायक बने।

घरेलु मैदानमा भएको खेलको १५ औँ मिनेटमा सलहको पासमा लुइज डियाजले लिभरपुललाई अग्रता दिलाएका थिए। यस अगाडि १० खेलमा गोल गर्न असमर्थ कोलम्बियाका डियाजले उल्भ्ससँगको खेलमा निर्णायक गोल गरेका हुन्।

त्यसको २० मिनेटपछि डियाजलाई फल प्रहार गरेपछि लिभरपुलले पाएको पेनाल्टीलाई सलाहले उपयोग गरे। सलह पछिल्ला चार खेलमा पाँचौँ गोल गर्न सफल भएका हुन्। उल्भ्सका लागि ६७ औँ मिनेटमा म्याथ्यु चुन्हाले गोल गरे।

यो जितसँगै लिभरपुल ८ अङ्कको अग्रता कायम गर्न सफल भएको हो। लिभरपुल ६० अङ्कसहित शीर्ष स्थानमा छ भने दोस्रो स्थानमा रहेको आर्सनलको ५३ अङ्क छ।