विश्वकप छनोट: मार्टिनेजको गोलमा अर्जेन्टिनाको जित

एजेन्सी । फिफा विश्वकप २०२६ अन्तर्गत दक्षिण अमेरिकी छनोट खेलमा अर्जेन्टिना विजयी भएको छ।

बुधबार सम्पन्न प्रतिस्पर्धामा अर्जेन्टिनाले पेरुलाई १-० गोलले हराएको हो।

लाउटारो मार्टिनेजले गरेको एक गोल नै अर्जेन्टिनाको जितका लागि निर्णायक बनेको हो।  खेलको ५५औँ मिनेटमा मार्टिनेजले कप्तान लियोनल मेसीको पासमा गोल गरेका थिए। 

दक्षिण अमेरिकी छनोटमा अर्जेन्टिना १२ खेलबाट २५ अंक बनाउँदै शीर्ष स्थानमा छ। पेरु भने ७ अंकसहित तालिकाको पुछार अर्थात् दसौँ स्थानमा छ।