वासिङटन डीसी । अमेरिकामा राष्ट्रपतिमा निर्वाचित डोनाल्ड ट्रम्पले फ्लोरिडाका सांसद माइकल वाल्जलाई आफ्नो राष्ट्रिय सुरक्षा सल्लाहकार नियुक्त गर्ने बताइएको छ । यस मामिलाबारे जानकार स्रोतले बताएको भन्दै सीबीएसले समाचार छापेको छ ।
वाल्ज लामो समयदेखि ट्रम्पका समर्थक हुन् । यस पटकको राष्ट्रपतिको निर्वाचनमा वाल्जले खुला मनले ट्रम्पलाई सघाएका थिए । राष्ट्रिय सुरक्षा सल्लाहकार अमेरिकी प्रशासनमा महत्त्वपूर्ण पद हो ।
यो पदमा बस्ने व्यक्तिले राष्ट्रिय सुरक्षाको मामिलामा राष्ट्रपतिलाई सल्लाह सुझाव दिन्छन् । अमेरिकामा नियुक्तिका लागि सिनेटको अनुमोदन नचाहिने केही पद छन् । यो पनि त्यही पदहरूमा पर्छ । राष्ट्रपतिमा निर्वाचित व्यक्तिले आफ्नै मनखुसी/विवेकमा यो भूमिकाका लागि व्यक्ति नियुक्त गर्न सक्छन् ।
इजरायल र हमास अनि युक्रेन र रुसबीच जारी युद्धका बीचमा वाल्जलाई यो भूमिका चुनौतीपूर्ण हुने अनुमान गर्न लागिएको छ ।
प्रतिक्रिया दिनुहोस
सफल खबर संवाददाता
मंगलबार, २७ कार्तिक २०८१, ११ : ११
लेखकबाट थप