स्पेनको बाढीमा परेर मृत्यु हुनेको सङ्ख्या १५८ पुग्यो

एजेन्सी । स्पेनमा आएको बाढीका कारण मर्नेको सङ्ख्या १५८ पुगेको छ। बिहीबार १२ सय जनालाई ड्रोन मार्फत राहत वितरण गरियो भने केहीलाई सुरक्षित स्थानमा लगिएको छ।

प्रधानमन्त्री पेड्रो साँचेजले तत्कालका लागि मानिसको जीवन बचाउनु नै महत्त्वपूर्ण भएको बताए। मंगलबार मध्यरातमा बाढी आएका कारण कत्तिको उद्धार कार्य अत्यन्त कठिन भएको छ।

भ्यालेन्सियामा कम्तीमा १५५ जना मारिएको पुष्टि भइसकेको छ भने पश्चिमी प्रान्त कास्टिला मान्चामा मारिएका हुन्। एक बेलायती नागरिकको ज्यान गएको छ। बिहीबारसम्म पनि हिलोमा दबिने डरले रुख र घरको छतमा चढेको दृश्यहरू देखिएको थियो।

मंगलबार घटना भएको लगत्तै नै ९० जना भन्दा बढीको ज्यान गएको थियो। स्पेनको जलवायु निकायका अनुसार भ्यालेन्सियाको चिभामा एक वर्षमा हुने गरेको जत्ति वर्षा त्यस दिनको ८ घण्टामा नै भएको जनाएको छ।

मंगलबारदेखि सुरु हुने गरी स्पेनमा तीन दिनको राष्ट्रिय शोक घोषणा भएको छ। राष्ट्रिय झन्डा आधा झुकाइएको छ। स्थानीयमा भने सरकारले समयमै यसको व्यवस्थापनमा ध्यान नदिएको भन्दै आक्रोश फैलिएको छ। स्थानीयको रिस सही समयमा पूर्व सूचना गर्न त्यहाँको संयन्त्र चुकेको कारण हो। त्यस दिन साँझ मात्र यो सूचना आएको थियो। त्यस समयसम्म भ्यालेन्सियामा केही स्थानमा भेल बग्न सुरु भइसकेको थियो। अधिकारीहरूले भने यस घटना अनुमान नै गर्न नसकिएको बताए। यसरी आउने बाढीका कारण धेरै भए पनि मुख्य कारण भने जलवायु परिवर्तन नै हो।