एजेन्सी । पाकिस्तानको बलुचिस्तानको दुक्की जिल्लामा अज्ञात आक्रमणकारीले २० जनाको हत्या गरेको छ । खानीमा काम गरिरहेका मजदुरमाथि अज्ञात आक्रमणकारीले आक्रमण गर्दा अरू सात जना मजदुर घाइते भएको बताइएको छ । स्थानीय अधिकारीका अनुसार बिहीबार राति दुक्की प्रहरी चौकी क्षेत्रमा यो हमला गरिएको हो ।
खानीमा कार्यरत मजदुरमाथि गोली प्रहारको घटना डक्की शहरबाट करिब आठ किलोमिटर टाढा रहेको खैर मोहम्मद नासिर क्षेत्रमा भएको हो । ‘हिजो राति अज्ञात बन्दुकधारीहरूको समूह उक्त क्षेत्रमा प्रवेश गरी कोइला खानी नजिक कामदारहरूलाई निशाना बनाउन थाले,’ एसएचओ हुमायुन नसिर खानले भने ।
मृत्यु हुनेमा चार जना अफगानिस्तानका कामदार रहेको एसएचओ खानले जानकारी दिएका छन् । अन्य चाहिँ बलुचिस्तानको झोब, किला सैफुल्लाह, पशिन, मुसा खेल र कुचलकका बासिन्दा थिए ।
खानी मजदुरमाथि भएको आक्रमणको अहिलेसम्म कसैले जिम्मेवारी लिएको छैन । यद्यपी यसअघि पनि बलोच लिबरेसन आर्मी (बीएलए)ले यस्ता आक्रमणको जिम्मेवारी लिँदै आएको छ ।
यस आक्रमणको विरोधमा दुक्कीको मुख्य चोकमा विरोध प्रदर्शन गर्ने स्थानीय पत्रकार अब्दुल हाकिम नासिरले बताएका छन् । घटनाको विरोधमा क्षेत्रका बजार बन्द रहने उनले बताए । यस वर्ष बुलिस्तानमा ठूलो मात्रामा कामदारलाई निशाना बनाइएको छ । निशाना बनाइएका अधिकांश कामदार पाकिस्तानको पञ्जाबका बासिन्दा हुन् ।
प्रतिक्रिया दिनुहोस
सफल खबर संवाददाता
शुक्रबार, २५ असोज २०८१, १२ : ५९
लेखकबाट थप
सम्बन्धित समाचारहरु
गोरखामा एक महिलाको मध्यराति हत्या
श्रीमतीको हत्यापछि टाउको बोकर हिँडेको अवस्थामा युवक पक्राउ
श्रीमतीको हत्या गरी फरार रहेका व्यक्ति पक्राउ
बाबुले गरे हँसिया प्रहार गरी छोराको हत्या
स्याङ्जामा घनले हानेर एक जनाको हत्या
सर्लाहीमा श्रीमतीको गोली हानेर हत्या