संसदअघि कार्यव्यवस्था परामर्श समितिको बैठक आह्वान

काठमाडौ । प्रतिनिधिसभा बैठकअघि सभामुख देवराज घिमिरेले कार्यव्यवस्था परामर्श समितिको बैठक बोलाएका छन् । 

संसद् अधिवेशन अन्त्य, प्रधानमन्त्रीको सम्बोधनसहित आजको कार्यसूची लगायतका विषयमा छलफल गर्न सभामुखले मध्याह्न १२ः१५ मा कार्यव्यवस्था परामर्श समितिको बैठक बोलाएका हुन् । बैठक संसद भवन नयाँ बानेश्वरमा बस्ने तय भएको सभामुखको सचिवालयलृ जनाएको छ । 

प्रतिनिधिसभाको बैठक सोमबार  दिउँसो १ बजे बस्ने बस्दैछ ।  बैठकमा प्रधानमन्त्री केपी शर्मा ओलीले सम्बोधन गर्ने कार्यक्रम छ ।