बुटवल । लुम्बिनी प्रदेशका मुख्यमन्त्री चेतनारायण आचार्यले लुम्बिनीको विकासका लागि पर्यटन क्षेत्र आधार स्तम्भको रूपमा रहेको भएको बताएका छन् ।
नेपाल पत्रकार महासंघ अर्घाखाँचीले आइतबार आयोजना गरेको पत्रकार सम्मेलनमा मुख्यमन्त्री आचार्यले पर्यटन क्षेत्रबाट लुम्बिनीको आर्थिक, सामाजिक तथा सांस्कृतिक विकासमा योगदान पुर्याउने गरी बृहत् योजना निर्माणको चरणमा रहेको बताएका हुन् ।
उनले लुम्बिनी प्रदेशका १२ जिल्लालाई पर्यटन सर्किटबाट जोड्ने गरी बृहत् योजना निर्माण गर्न थालिएको बताए । उनले लुम्बिनीलाई पर्यटन सर्किटबाट जोड्ने योजना सरकारले बनाएको र यसबाट राष्ट्रिय तथा अन्तर्राष्ट्रिय पर्यटकहरूलाई आकर्षित गर्न सकिने योजना सुनाए ।
गौतम बुद्धको जन्मस्थल लुम्बिनी, पाल्पाको श्रीनगर, दरबार संग्रालय, रुरु क्षेत्र, रेसुंगा, छत्र महाराज, बल्कोट, सुपा देउराली, स्वर्गद्वारी, रोल्पाको युद्ध संग्रालय, सिस्ने, पुथा हिमाल भ्रमण गरेर दाङको धारा पानी भएर बाँके र बर्दिया राष्ट्रिय निकुञ्ज भ्रमण गराउन सक्ने गरी पर्यटन सर्किट निर्माण गर्ने योजना रहेको उनले जानकारी दिए ।
प्रदेश सरकार फजुल खर्च रोक्न प्रतिबद्ध रहेको उनले बताए । जिल्ला बाहिर जाँदा मुख्यमन्त्रीका नाममा खर्च भएका होटेलका विल मन्त्रालयमा पेस नगरिने उनले बताए । फजुल खर्च रोक्न पूर्वविशिष्ट व्यक्तिहरूको सेवा सुविधा खारेज गरिएको उनले जानकारी दिए ।
केही दिन अगाडि लुम्बिनी प्रदेशमा पूर्वविशिष्टहरूले प्रयोग गरेको सवारी फिर्ता लिने निर्णय भएको थियो ।
प्रतिक्रिया दिनुहोस
सफल खबर संवाददाता
आइतबार, २३ भदौ २०८१, १४ : ३८
लेखकबाट थप
सम्बन्धित समाचारहरु
स्वास्थ्य सेवालाई चुस्त बनाउनुको विकल्प छैन : मुख्यमन्त्री आचार्य
सरकारी सेवा प्रवाहलाई प्रभावकारी बनाउन मुख्यमन्त्री आचार्यको आग्रह
शैक्षिक गुणस्तर सुधार गर्न मुख्यमन्त्री आचार्यको निर्देशन
दुधको भुक्तानी तत्काल दिन लुम्बिनी प्रदेशका मुख्यमन्त्रीको निर्देशन
लुम्बिनी प्रदेशमा मुख्यमन्त्रीले पाए विश्वासको मत
लुम्बिनीका मुख्यमन्त्री आचार्यले मागे विश्वासको मत