मुस्ताङ । बाढीले मुस्ताङको लोघेकर दामोदरकुण्ड गाउँपालिका–२ घमीमा नहर र काठेपुल बगाएको छ । लगातारको झरीसँगै घमीखोलामा आएको बाढीले घमी सिँचाइ आयोजनाको मुहान, नहर र घमीबाट ढाकमर जाने बाटोमा राखिएको काठको पुल बगाएको हो ।
लोघेकर दामोदरकुण्ड गाउँपालिका–२ का वडाध्यक्ष थुक्तेनछिरिङ गुरुङले सिँचाइ आयोजनाको मुहानसहित करिब २० मिटर नहर बाढीले बगाएको बताए । काठको पुल बगाएपछि घमी र ढाकमरका बासिन्दा आवतजावत गर्न खोलामा जोखिम मोलेर जङ्घार तर्नुपर्ने अवस्था छ । ढाकमर गाउँमा ५७ परिवारको बसोबास छ । घमी वडाको केन्द्र हो ।
नहर बगाउँदा घमीको एक हजार दुई सय रोपनीभन्दा बढी जमिनमा सिँचाइको समस्या भएको छ । स्याउ, उवा, जौं र फापर बालीमा सिँचाइ गर्न समस्या भएको छ । लो–घेकर दामोदरकुण्ड गाउँपालिकाका अध्यक्ष लोम्साङ छोम्फेल विष्टले विपद् व्यवस्थापन कोषबाट खर्च गर्ने गरी नहर र पुल मर्मतको काम तत्कालै सुरु गरिने बताए ।
प्रतिक्रिया दिनुहोस
रासस
आइतबार, २३ असार २०८१, ११ : ३८
लेखकबाट थप
सम्बन्धित समाचारहरु
बाढीले बगाउँदा बागलुङमा दुईको मृत्यु, एक जना बेपत्ता
बंगलादेशमा बाढीबाट ४० लाख प्रभावित
बाढीले कञ्चनपुरमा करोडौँको क्षति
कैलालीमा बाढीले आपत्
कैलाली र कञ्चनपुरका बस्तीमा बाढी पस्यो
बाढी, पहिरो लगायतका विपद्मा परी हालसम्म १९३ जनाको मृत्यु