एन्फाका पूर्वअध्यक्ष थापाले गरे महासचिव राईविरुद्ध मुद्दा दायर

काठमाडौं । आफूमाथि गाली बेइज्जती गरेको भन्दै अखिल नेपाल फुटबल संघ (एन्फा) का पूर्वअध्यक्ष गणेश थापाले एन्फा महासचिव किरण राईविरुद्ध मुद्दा दायर गरेका छन्। जिल्ला अदालत काठाडौंले बिहीबार उक्त मुद्दाको म्याद तामेल गरेको छ ।

महासचिव राईले सार्वजनिक रुपमा आफ्नो चरित्र हत्या गरेको भन्दै जिल्ला अदालत काठमाडौंमा गाली बेइज्जती मुद्दा दायर गरेका थिए ।अब महासचिव राईले आफूले गालीबेइज्जती नगरेको दाबीसहित जिल्ला अदालतमा लिखित जवाफ पठाउनु पर्नेछ ।

म्याद तामेल भएको एक महिनाभित्र उनले लिखित जवाफ दिने समय पाउनेछन्, तोकिएको अवधिमा जवाफ दिन नपाएमा १५ दिन म्याद थप्न पाउँछन् ।

महासचिव राईले आफ्नो वैयक्तिक चरित्र र अन्य विषयमा बोलेर गाली बेइज्जती गरेको पूर्वअध्यक्ष थापाको आरोप छ ।