संसद् बैठक अघि सभामुखले बोलाए प्रमुख सचेतकलाई छलफलमा

काठमाडौँ । सभामुख देवराज घिमिरेले  प्रतिनिधि सभाको बैठक अघि दलका प्रमुख सचेतकहरूलाई छलफलका लागि बोलाएका छन् । संसद् भवन नयाँ बानेश्वरस्थित सभामुखको कार्यकक्षमा प्रमुख सचेतकसँग छलफल गर्न लागेका हुन् ।

संसदमा जारी गतिरोध अन्त्यका लागि कार्यव्यवस्था परामर्श समितिको बैठकअघि सहमति जुटाउन सभामुखले प्रयास थालेका हुन् । सभामुखले बोलाएको छलफल सुरु हुन लागेको एमाले प्रमुख सचेतक महेश बर्तौलाले जानकारी दिए ।

आज ११ बजेका लागि बैठक बोलाए केही ढिलाइ हुने भएको छ । प्रमुख प्रतिपक्षी दल कांग्रेसले सहकारीको विषयमा गृहमन्त्री रवि लामिछानेमाथि संसदीय छानबिन समिति नबनाएसम्म संसद् चल्न नदिने अडान लिइरहेको छ ।