सलमान खानको घर बाहिर गोलाबारी मामिलामा अर्का व्यक्ति पक्राउ

नयाँ दिल्ली । सलमान खानको घरबाहिर गोलाबारी भएको घटनामा प्रहरीको कारबाही जारी छ । यस मामिलामा प्रहरीले अर्को एक व्यक्तिलाई समातेका छन् । बुधबार राति एक संदिग्धलाई प्रहरीले समातेको हो । प्रहरीसम्बद्ध स्रोतका अनुसार यी व्यक्तिले लरेन्स विश्नोईको गिरोह र शूटरबिच सम्पर्कको काम गरेको थियो ।

आइतबार बिहान मोटरसाइकलमा सवार २ जनाले मुम्बईको बान्द्रास्थित ग्यालेक्सी अपार्टमेन्टबाहिर पाँच राउन्ड गोली चलाएर फरार भएका थिए । प्रहरीले संदिग्धहरूलाई गुजरातको कच्छबाट समातेको थियो ।

प्रहरीका अनुसार घटनाको केही घण्टा अगाडि सागर पाललाई बन्दुक दिएको थियो । अहिलेसम्म हतियार आपूर्ति गराउने व्यक्तिको पहिचान खुलेको छैन । दुवै आरोपी बिहारको चम्पारणका बासिन्दा हुन् ।