मानव अधिकारको सम्मान र संरक्षण भए मात्रै संसदीय लोकतान्त्रिक शासन प्रणाली बलियो हुन्छ : राष्ट्रपति पौडेल

काठमाडौं। ​​राष्ट्रपति रामचन्द्र पौडेलले मानव अधिकारको सम्मान, संरक्षण र सम्वर्द्धन भए मात्र संसदीय लोकतान्त्रिक शासन प्रणाली बलियो हुने बताएका छन्। बिहीवार राष्ट्रिय मानव अधिकार आयोगको आर्थिक वर्ष २०७९/८० को वार्षिक प्रतिवेदन बुझ्दै उनले यस्तो बताएका हुन् ।

मानव अधिकारको सम्मान, संरक्षण र सम्वर्द्धन भए मात्र मानव अधिकारको प्रत्याभूतिबाट कोही पनि नागरिक वञ्चित हुनु नपर्ने उनको भनाइ छ ।राष्ट्रपति पौडेलले मानव अधिकारको प्रत्याभूति दिलाएर आयोग सदैव सर्वसाधारण जनताका लागि आस्था, विश्वास र भरोसाको केन्द्र बन्नुपर्ने सुझाव दिएका छन् ।

उनले आयोगले आफ्नो संवैधानिक र कानूनी दायित्व पूरा गर्ने क्रममा यथार्थ र प्रभावकारी अनुगमनमा जोड दिँदा अझ मानव अधिकारमैत्री हुन सघाउ पुग्ने पनि धारणा राखेका थिए ।