काठमाडौ । सामाजिक सञ्जाल टिकटकले सञ्चार तथा सूचना प्रविधि मन्त्रालयलाई पत्र लेखी प्रतिबन्धका सन्दर्भमा छलफल गर्न आग्रह गरेको छ ।
मन्त्रालयका सहसचिव एवं प्रवक्ता नेत्रप्रसाद सुबेदीका अनुसार टिकटकले पत्रमा स्वनियमनका मान्यता अनुसार अघि बढ्ने प्रस्ट पारेको छ ।
टिकटकले आफ्नो टोली नेपालमा रहेको जनाउँदै छलफलमार्फत अघि बढ्न आग्रह गरेको छ । उनले भने, ‘टिकटकले पत्र पठाएको छ। स्वनियमनका मान्यता र सरकार तथा मन्त्रालयले भनेका कुरा मान्न चाहन्छौं, छलफल गर्न चाहन्छौं भनेर पत्र लेखेको छ। यसबारेमा सरकारले कुनै निर्णय गरेको छैन ।’
सरकारले कात्तिक २७ गते टिकटकका माध्यमबाट सामाजिक सद्भाव एवं सामाजिक बाताबरणमा नकारात्मक असर परिरहेकाले नेपालमा टिकटक प्रयोगमा तत्काल रोक लगाउने र यससम्बन्धी व्यवस्था सञ्चार तथा सूचना प्रविधि मन्त्रालयले मिलाउने निर्णय गरेको थियो । गोरखापत्रमा खबर छ ।
प्रतिक्रिया दिनुहोस
पत्रपत्रिकाबाट
बुधबार, २० मंसिर २०८०, ०७ : १९
लेखकबाट थप
सम्बन्धित समाचारहरु
प्रतिबन्ध लगाउन सक्ने अमेरिकी कानुनविरुद्ध टिकटक अदालत जाने
टिकटकलाई अमेरिकामा प्रतिबन्ध लगाउन सक्ने विधेयकलाई पारित
इटालीमा टिकटकलाई ११ मिलियन डलर जरिवाना
टिकटक प्रतिबन्ध लगाउने विधेयक अमेरिकी तल्लो सदनबाट पारित
टिकटक चलाउने इन्टरनेट सेवा प्रदायकलाई स्पष्टीकरण
टिकटक बन्द गर्ने निर्णयविरुद्धको रिट आज 'हेर्न नभ्याइने'मा