शिवनगरमा त्रिपन्न जनाले गरे रक्तदान

चितवन । नारायणगढको हङकङ बजारमा रहेको नारायणी बराह ज्वेलरी इण्डष्ट्रिज प्रा. लि. ले सोमबार चितवनको शिवनगरमा आयोजना गरेको रक्तदान कार्यक्रममा ५३ जनाले रक्तदान गरेका छन् । सुन, चाँदी र हिराका गहनाको कारोबार गर्दै आएको बराह ज्वेलरीले वार्षिकोत्सवको अवसरमा रक्तदान कार्यक्रमको आयोजना गरेको हो ।

रक्तदान कार्यक्रमको प्रमुख अतिथि भरतपुर महानगरपालिका वडा नम्बर १४ का अध्यक्ष ओमप्रसाद पोखरेल रहनु भएको थियो । रक्तदान कार्यक्रमको सहयोगी संस्थामा रेडियो शिवशक्ति ९८ दशमलव ३ मेगाहर्ज, नेपाल रेडक्रस सोसाइटी शिवनगर उपशाखा, शिवनगर जागरण मञ्च र शिवशक्ति युवा क्लब शिवनगर रहेका छन् । नारायणी बराह ज्वेलरीले मंगलबार नारायणगढ र भरतपुरमा पनि रक्तदान कार्यक्रमको आयोजना गरेको छ ।