आणविक उर्जाबाट चल्ने क्रुज मिसाइलको अन्तिम परिक्षण सफल भएको पुटिनको दाबी

काठमाडौं । रुसका राष्ट्रपति भ्लादिमिर पुटिनले आफ्नो देशले आणविक ऊर्जाबाट चल्ने क्रुज मिसाइलको अन्तिम परीक्षणमा सफलता प्राप्त गरेको दाबी गरेका छन ।

यस हतियारले संसारको जुनसुकै स्थानमा आक्रमण गर्न सक्ने बताइएको छ । वैज्ञानीकहरुले दिएको हालसम्मको जानकारी अनुसार आणविक उर्जाबाट चल्ने क्रुज मिसाइल परमाणु शक्तिबाट सञ्चालन हुन्छ ।

राष्ट्रपति पुटिनले गरेको यो दाबी स्वतन्त्र रुपमा पुष्टि हुन नसकेको केही अन्तर्राष्ट्रिय सञ्चार माध्यमले जनाएका छन् । क्रुज मिसाइल कम उचाइमा उड्ने, आणविक हतियार बोक्न सक्ने र असीमित मारक क्षमता भएको क्षेप्यास्त्र भएको पुटिनको दाबी रहेको छ ।

रुसी रक्षा मन्त्रालयले भने अहिलेसम्म यस सम्बन्धमा जानाकारी गराएको छैन ।