इक्यानको उपाध्यक्षमा वाइबी पौडेलद्वारा उम्मेदवारी घोषणा

भरतपुर । सेन्ट्रल कलेज चितवनका प्रिन्सिपल यज्ञविलास पौडेल (वाइबी)ले नेपाल शैक्षिक परामर्श संघ (इक्यान) को उपाध्यक्ष पदका लागि उम्मेदवारी दिने घोषणा गरेका छन् । केन्द्रको नेतृत्वले सर्वसम्मतको नाममा भागवण्डा गर्न खोजेको आरोप लगाउँदै उनले स्वतन्त्र रुपमा उपाध्यक्ष पदमा उम्मेदवारी दिने घोषणा गरेका हुन् ।

अघिल्लो कार्यकालका निर्वाचित केन्द्रीय सदस्य पौडेल आगामी निर्वाचनमा पनि आफ्नो जित निश्चित भएको बताउँछन् । काठमाडौं उपत्यका बाहिरबाट उपाध्यक्ष पदमा उम्मेदवारी घोषणा गर्ने इक्यानको इतिहासमै पौडेल पहिलो हुन् । उनले भने, ‘म टिके केन्द्रीय सदस्य होइन । सानदार भोट ल्याएर निर्वाचित पूर्वकेन्द्रीय सदस्य हो ।’, ‘हामी कसैका टिके होइनौं । म स्वतन्त्र रुपमा उम्मेदवारी दिदै सानदार जित निकाल्ने व्यक्ति हुँ ।’

सेन्ट्रल कलेज चितवनका प्रिन्सिपल पौडेल सफल व्यवसायीको रुपमा परिचित छन् । आफ्नो निरन्तरको कर्म र मिहिनेतका कारण सफल बनेका पौडेल प्रष्ट बक्ताको रुपमा पनि परिचित छन् । शिक्षा, खेलकुद, मनोरन्जन लगायतका गतिविधिमा संलग्न पौडेलले उपत्यका बाहिरका व्यवसायीहरुको उल्लेख्य भोट पाउने अपक्षा गरिएको छ ।

आगामी असार ३० गते इक्यानको निर्वाचन हुँदैछ । इलोक्टोनिक मतदानबाट सम्पन्न हुने निर्वाचनको परिणाम सोही दिन सार्वजनिक हुनेछ ।

#सेन्ट्रल कलेज #यज्ञविलास पौडेल