फिल्म ‘कटहल’ को ट्रेलर सार्वजनिक

एजेन्सी । भारतीय अभिनेत्री सान्या मल्होत्रा ​​अभिनित फिल्म ‘कटहल’ को ट्रेलर सार्वजनिक भएको छ । यो एक दमदार कमेडी फिल्म हो । फिल्ममा सान्या मल्होत्रा ​​महिमा बसूर नामकी प्रहरी अफिसरको भूमिकामा छिन् । फिल्मको ट्रेलरमा एकजना सांसदको घरबाट कटहर गायब भएको देखाइएको छ । प्रहरी टोली कटहरकाे खाेजीमा घटनाको अनुसन्धानमा जुटेको छ ।

फिल्मको ट्रेलर हेर्दा फिल्ममा प्रहरी र संयन्त्रको रमाइलो पक्षलाई देखाइएको छ । फिल्मका निर्देशक यशोवर्धन मिश्र हुन् । यो उनको पहिलो फिल्म हो । फिल्मलाई सिख्य इन्टरटेनमेन्ट र बालाजी टेलिफिल्म्सले निर्माण गरेकाे हाे ।

शोभा कपुर, एकता कपूर, अचिन जैन र ओस्कार अवार्ड विजेता गुनीत मोंगाले संयुक्त रुपमा फिल्म निर्माण गरेका हुन् भने कथा यशोवर्धन मिश्रा र अशोक मिश्राले लेखेका हुन् ।

फिल्ममा सान्या बाहेक अनन्तविजय जोशी, गुरपाल सिंह, नेहा सराफ, राजपाल यादव र विजय राजको अभिनय रहेको छ । फिल्म १९ मे मा नेटफ्लिक्समा रिलिज हुँदैछ ।