राहुल गान्धीविरुद्ध उजुरी

एजेन्सी । कांग्रेसको भारत जोडो यात्रामा फिल्म ‘केजीएफ–२’ को संगीत प्रयोग गरेको भन्दै कांग्रेस नेता राहुल गान्धीविरुद्ध उजुरी परेको छ । राहुल गान्धीबाहेक कांग्रेस नेता जयराम रमेश र सुप्रिया श्रीनेटविरुद्ध पनि उजुरी परेको छ ।

समाचार एजेन्सी पीटीआईका अनुसार कन्नड फिल्म ‘केजीएफ–२’ को संगीत बिना अनुमति प्रयोग गरेको आरोपमा राहुल गान्धीविरुद्ध उजुरी दर्ता गरिएको छ । यो उजुरी शुक्रबार बैंगलोरको यशवंतपुर पुलिस स्टेशनमा प्रतिलिपि अधिकार कानुनअन्तर्गत गरिएको हो । एमआरटी म्युजिकको व्यवस्थापन सम्हाल्ने एम नवीन कुमारले उजुरी दर्ता गरेका हुन् ।

उजुरीमा भनिएको छ – जयराम रमेशले आफ्नो आधिकारिक ट्विटर ह्यान्डलबाट दुई भिडियोहरू पोस्ट गरेका थिए जसमा केजीएफ–२ का दुई प्रसिद्ध गीतहरू अनुमति बिना प्रयोग गरिएको थियो । यी गीतहरूको संगीत अधिकार एमआरटी म्युजिकसँग छ ।