प्रधान सेनापति प्रभुराम शर्मासँग चिनियाँ राजदूत होउको शिष्टाचार भेट

काठमाडौं । नेपालका लागि चीनका राजदूत हौ यान्छी शिष्टाचार भेट गर्ने क्रममा आज सैनिक मुख्यालय, भद्रकाली पुगेकी छन । उनी कार्यकाल पूरा गरेर स्वदेश फर्कने क्रममा प्रधान सेनापति प्रभुराम शर्मासँग शिष्टाचार भेटको निम्ति त्यहाँ गएकी हुन ।

भेटमा प्रधान सेनापति शर्माले राजदूत हौको सफल कार्यकालको निम्ति बधाई दिँदै सुखद् भविष्यका लागि शुभकामना दिनुभएको सैनिक जनसम्पर्क तथा सूचना निर्देशनालयले जनाएको छ ।

यसअघि आजै चिनियाँ राजदूत नेकपा माओवादी केन्द्रका अध्यक्ष पुष्पकमल दाहाल प्रचण्डसँग शिष्टाचार भेटको लागि दाहाल निवास खुमलटार पुगेकी थिइन् । हिजो उनले परराष्ट्रमन्त्री डा नारायण खड्कासँग भेटवार्ता गरेकी थिइन् ।