भैरहवा । एमाले निकट राष्ट्रिय युवा संघ, नेपाल रोहिणी गाउँपालिका कमिटी, रुपन्देहीले शनिबार सांझ धकधईमा विरोध प्रदर्शन गरेको छ । मूल्यवृद्धि र स्थानीय तहको निर्वाचन नगर्ने चलखेलविरुद्ध प्रदर्शन गरिएको युवा संघले जनाएको छ ।
धकधई चोकमा युवा संघका नेता तथा कार्यकर्ताहरू राँके जुलुससहित प्रदर्शनमा उत्रिएका थिए । उनीहरूले पेट्रोलियम पदार्थको मूल्यवृद्धि फिर्ता गर, रेणु यादवलाई बर्खास्त गर, स्थानीय तह निर्वाचनको मिति घोषणा गर, २४ लाख खोप सार्वजनिक गरलगायतका नारा लगाएका थिए ।
विरोध प्रदर्शनपछि बोल्दै राष्ट्रिय युवा संघ नेपालका केन्द्रीय सदस्य अजय रौनियारले मूल्यवृद्धि फिर्ता र स्थानीय तह निर्वाचनको मिति घोषणा नगरे अझ सशक्त आन्दोलनमा उत्रिन बाध्य हुने चेतावनी दिए ।
एमाले रोहिणी गाउँपालिका कमिटीका सचिव भोला क्षेत्री (राजाबाबु), राष्ट्रिय युवा संघ रुपन्देही जिल्ला सचिवालय सदस्य तथा क्षेत्र नम्बर ४ का इञ्चार्ज अमितकुमार शुक्लाले गठबन्धन सरकारले जनताको पक्षमा काम गर्न नसकेको आरोप लगाए ।
प्रतिक्रिया दिनुहोस
सफल खबर संवाददाता
आइतबार, २३ माघ २०७८, १२ : ३३
लेखकबाट थप
सम्बन्धित समाचारहरु
दुर्गा प्रसाईं पक्राउको विरोधमा मुखमा कालो टेप लगाएर प्रदर्शन
दुर्गा प्रसाईंलाई रिहा गर्न माग गर्दै प्रदर्शन, तस्बिरहरू
राजनीतिक नियुक्तिमा दलितलाई उपेक्षा गरेको भन्दै माइतीघरमा प्रदर्शन
न्यूरोडमा वडाध्यक्षको नेतृत्वमा प्रदर्शन जारी
बङ्गलादेशमा आरक्षण विरुद्धको प्रदर्शन हिंसात्मक, १९ जनाको मृत्यु
सहकारी पीडितले गरे काठमाडौंमा प्रदर्शन