कांग्रेस केन्द्रीय सदस्यमा कल्याण गुरुङसहित थप तीनजना मनोनीत

काठमाडौं । नेपाली कांग्रेसका सभापति शेरबहादुर देउवाले थप तीनजनालाई केन्द्रीय सदस्यमा मनोनीत गरेका छन् ।

कांग्रेस विधान २०१७ (संशोधन सहित) को धारा २१ को उपधारा (१०) को अधिकार प्रयोग गर्दै देउवाले कल्याण गुरुङ, प्रदीप पौडेल र जीवनबहादुर शाहीलाई केन्द्रीय सदस्यमा मनोनीत गरेको कांग्रेस केन्द्रीय कार्यालयका मुख्यसचिव कृष्णप्रसाद पौडेलले जानकारी दिए ।

गुरुङ १४ औं महाधिवेशनमा सभापतिमा पराजित भएका थिए । कृष्ण सिटौलानिकट मानिने पौडेल देउवा प्यानलबाट महामन्त्री उठेकोमा पराजित भएका थिए । सहमहामन्त्रीमा पराजित जीवनबहादुर शाही पनि देउवा प्यानलबाट चुनाव लडेका थिए ।