चितवन । १० वर्षे जनयुद्ध तथा सबै प्रकारका जनआन्दोलनमा शहीद भएका तथा बेपत्ता पारिएका परिवारलाई आर्थिक सहायता प्रदान गर्न भरतपुर महानगरपालिकाले निवेदन आव्हान गरेको छ ।
भरतपुर महानगर पालिका, नगर कार्यपालिकाको कार्यालयले शुक्रबार सार्वजनिक सुचना जारी गर्दै निवेदन दिन आव्हान गरेको हो । भरतपुर महानगर नगर कार्यपालिकाबाट पारित आर्थिक सहायता गर्ने सम्बन्धी कार्यविधि २०७८ को दफा ४ (क) बमोजिम सहायता प्राप्त गर्नका लागि दफा २ (घ) बमोजिम महानगरको महिला, बालबालिका तथा समाज कल्याण शाखामा ३० दिन भित्र निवेदन पेश गर्न भनिएको छ ।
महानगरले निवेदनसंगै व्यक्तिगत विवरण खुल्ने नागरिकताको प्रतिलिपी, आधिकारिक निकायबाट जनयुद्ध तथा सबै प्रकारका अनआन्दोलनमा शहीद भएका तथा बेपत्ता पारिएका परिवार खुल्ने कागजात, भरतपुर महानगरपालिकाभित्र स्थायी बसोबासको प्रमाण, वडा कार्यालयको सिफारिस र हालसालै खिचेको दुई प्रति तस्वीर समेत संलग्न गर्न भनेको छ ।
जनयुद्ध तथा जनआन्दोलनमा शहीद तथा घाईते भएका परिवारले राज्यले आफुहरुलाई कुनै सहयोग नगरेको गुनासो गर्दै आईरहेका बेला भरतपुर महानगरले सहयोग लिन निवेदन माग गरेको छ ।
प्रतिक्रिया दिनुहोस
सफल खबर संवाददाता
शुक्रबार, ०२ पुस २०७८, १० : १६
लेखकबाट थप
सम्बन्धित समाचारहरु
भरतपुर महानगरपालिकाको वार्षिक समिक्षा सकियो
गौतमबुद्ध क्रिकेट रंगशालामा भरतपुर महानगर र निर्माण कम्पनीको संयुक्त सर्भे
सिमलताल पहिरो : विकका परिवारलाई दुई लाख सहयोग, हालसम्म २० शव फेला
भरतपुर महानगरले दियो ५४ सङ्घ संस्थालाई कृषि सामग्री
भरतपुर महानगरले ल्यायो ६ अर्ब ५५ करोडको बजेट (पूर्णपाठसहित)
बजेट वितरणमा सूचकको प्रयोग गदै भरतपुर महानगर