काठमाडौं । नेकपा माओवादी केन्द्रका अध्यक्ष पुष्पकमल दाहाल (प्रचण्ड) ले पूर्व राजा ज्ञानेन्द्रसंग गरेको भनिएको ५ बुँदे सहमती प्रमाणित गर्न एमाले अध्यक्ष केपी ओलीलाई चुनौती दिएका छन् । उनले यदि यसो गर्न नसके मैले भुठो बोलेको हो भनेर जनता समक्ष माफी माग्न चुनौती समेत दिएका छन् ।
आज वक्तव्य जारी गर्दै प्रचण्डले ओलीको दरिद्र राजनीतिक चरित्र प्रदर्शित भएको भन्दै कडा आलोचना गरेका छन् । वक्तव्यमा भनिएको छ,’ दलाल पूँजीपति वर्ग र प्रतिगमनको राजनैतिक प्रतिनिधिका रुपमा देखा परेका एमाले गुटका अध्यक्ष केपीी शर्मा ओली, झुट, बेइमानी र धोकाको अर्को नाम हो भन्ने तथ्यलाई उनले हालैको आफ्नै अभिव्यक्तिबाट पुुनः प्रमाणित गरेका छन् ।
पूर्वराजा ज्ञानेन्द्र शाहसँग प्रचण्डको पाँच बुँदे सहमति भएको थियो भन्ने शत प्रतिशत झुटो कुरा प्रचार गरेर उनले आफ्नो दरिद्र राजनैतिक चरित्र मात्र प्रदर्शन गरेका छन् ।’ उनले अगाडी थप्दै भनेका छन्, ‘माक्र्सवाद र कम्युनिष्ट सिद्धान्तबाट कोसौं टाढा भागेका ओलीबाट मैले भूमण्डलीकृत साम्राज्यवाद र वित्तिय एकाधिकार पूँजीवादबारे गरेको विश्लेषण माथि गरिएको टिप्पणीलाई दलाल पूँजीपति वर्गको एजेण्टको टिप्पणीका रुपमा खारेज गर्दछु ।’
उनले आजको पूँजीवादको चरित्रबारे मैले गरेको विश्लेषण सही रहेको दाबी समेत गरेका छन । नेपालको शेयर बजारका सन्दर्भमा हाम्रो पार्टी र म समेत लाखौं लगानीकर्ताहरुको हितका पक्षमा रहेको स्पष्ट पार्दै उनले दलाल पूँजीपतिहरुको झुटो प्रचारबाट भ्रमित नहुन शेयर होल्डर जनसमुदायसँग अनुरोध समेत गरेका छन् ।
प्रतिक्रिया दिनुहोस
सफल खबर संवाददाता
विहीबार, ०१ पुस २०७८, ०९ : ३३
लेखकबाट थप
सम्बन्धित समाचारहरु
माओवादी केन्द्र एक्लै चुनाव लड्छ, जित्छ: प्रचण्ड
मैले रविलाई क्लीन चिट दिएको छैन : प्रचण्ड
अहिले जनताको प्रधानमन्त्री हुन थालेको महसुस भएको छ: प्रचण्ड
फेसबुक फलोअर्समा ओलीभन्दा प्रचण्ड अगाडि
अध्यक्ष दाहालद्वारा यातायात व्यवसायी र मजदुर संगठनका प्रतिनिधिसँग छलफल
वस्ती विकास र पूर्वाधार निर्माणअघि भौगर्भिक अध्ययन आवश्यक : प्रचण्ड