धनुषा । नेपाल कम्युनिस्ट पार्टी (माओवादी केन्द्र) को प्रदेश २ अधिवेशन मङ्सिर २५ गते जनकपुरधाममा गर्ने भएको छ । शुक्रबार नेकपा माओवादी केन्द्र प्रदेश २ का संयोजक प्रह्लाद बुढाथोकीले जनकपुरधामस्थित नेपाल पत्रकार महासंघ धनुषा शाखाको सभाकक्षमा पत्रकार सम्मेलन गरेर प्रदेश अधिवेशनबारे जानकारी दिए ।
प्रदेशको एक सय ३६ पालिकाबाट छ सय र मनोनित गरी एक हजार प्रतिनिधि अधिवेशनमा सहभागी हुनेछ । प्रदेश २ मा एक सय ३६ पालिकामध्ये ३० वटा पालिकामा अधिवेशन हुन बाँकी रहेको समेत उनले भने ।
मङ्सिर २५ गते अधिवेशन उद्घाटन र पुष ३ गतेको बन्द सत्रबाट नयाँ कार्यसमिति चयन हुने हुँदा त्यस अवधिभित्र बाँकी रहेका पालिकाको पनि अधिवेशन सम्पन्न गरिसक्ने संयोजक बढाथोकीले पत्रकार सम्मेलनमा जानकारी दिए ।
प्रदेश अधिवेशनको उद्घाटन सत्रमा नेकपा माओवादी केन्द्रका केन्द्रीय अध्यक्ष पुष्पकमल दाहाल भर्चुअल मार्फत सम्बोधन गर्र्नेछन । जनकपुरधामस्थित जनकपुर उधोग बाणिज्य संघको सभाहल हुने प्रदेश २ अधिवेशनलाई प्रदेश स्थायी समिति सदस्यहरु गिरीराजमणि पोखरेल, मातृका प्रसाद यादव र गणेश साहलगायतका नेताले सम्बोधन गर्ने कार्यक्रम रहेको संयोजक बुढाथोकीले भने ।
प्रतिक्रिया दिनुहोस
सफल खबर संवाददाता
शुक्रबार, २४ मंसिर २०७८, १२ : ४४
लेखकबाट थप
सम्बन्धित समाचारहरु
माओवादी केन्द्रद्वारा केन्द्रीय राहतकोष स्थापना
बेपत्ताको खोजी, विस्थापितहरुको पुन: स्थापना गर्न सरकारलाई प्रचण्डको ध्यानाकर्षण
जनसेवामा जुट्न नेता कार्यकर्तालाई प्रचण्डको निर्देशन
माओवादीले सुदूरपश्चिममा ‘तीनमहिने सङ्गठन विस्तार’ कार्यक्रम गर्ने
एकीकृत समाजवादीका नेता कन्दङ्वासहितका कार्यकर्ता माओवादी केन्द्रमा प्रवेश
माओवादी केन्द्रद्वारा उपचार सहायता दिनुपर्ने माग: कोशी प्रदेश