जनकपुर । दुई मतले विजयी घोषित हुँदा स्वतन्त्र उम्मेदवार रमेशकुमार रायलाई हर्षभन्दा बढी अन्योलले घेरेकोजस्तो भान भयो । बधाई दिनेलाई पनि उनी खुलेर धन्यवाद भन्न सकिरहेका थिएनन् । ‘अहिले जित घोषणा गरेर मलाई न्याय भयो कि अन्याय आफैं दोधारमा छु,’ रायले आफ्ना शुभचिन्तकसँग यति मात्रै भनिरहे ।
‘ढिलो न्याय दिनु नदिनुसरह हो’ भन्ने विधिशास्त्रीय मान्यताको एक ताजा भुक्तभोगी हुन् महोत्तरीको मनरा शिशवा नगरपालिका–१० का नवनिर्वाचित वडाध्यक्ष राय । स्थानीय तहको निर्वाचन सकिएको ४ वर्षपछि गरिएको पुनः मतगणनामा उनी निकटतम प्रत्याशीभन्दा दुई मत बढी ल्याएर विजयी घोषित भएका हुन् ।
घोषणा आइतबार भएको हो । प्रदेश २ मा २०७४ असोज २ मा तेस्रो चरणमा स्थानीय तहको निर्वाचन भएको थियो । वडाध्यक्षमा राय र कांग्रेसका अरुणकुमार चौधरीबीच दह्रो प्रतिस्पर्धा थियो ।
मतदानको ५ दिनपछि चौधरी र रायले बराबरी २६६ मत पाएको गणकले सार्वजनिक गरेका थिए । मत बराबर भएपछि नतिजाका लागि दुवैबीच गोलाप्रथा गरियो । स्वतन्त्र उम्मेदवार रायलाई चित्त बुझिरहेको थिएन । गोलामा चौधरी विजयी घोषित गरिए । पहिलो मतगणनाको अन्तिमतिर जेनेरेटर बन्द गरेर मत ‘दायाँबायाँ’ गरेको देखेका रायलाई गडबडी गरिएको शंका थियो ।
उनले उच्च अदालत जनकपुरमा १५ दिनभित्र पुनः मतगणनाको माग गर्दै रिट दायर गरे । मुख्य निर्वाचन अधिकृतको कार्यालय जलेश्वरविरुद्ध उनले हालेको रिटमा सुनुवाइ गर्दै उच्चले पुनः मतगणनाको आदेश दियो तर मुद्दाको पुनरावेदन सर्वोच्चमा पुग्यो । कान्तिपुर दैनिकमा खबर छ ।
प्रतिक्रिया दिनुहोस
पत्रपत्रिकाबाट
सोमबार, ०८ कार्तिक २०७८, ०७ : ४१
लेखकबाट थप
सम्बन्धित समाचारहरु
अबैध घर भत्काउन जाँदा वडाध्यक्षमाथि रड प्रहार
वडाध्यक्षको तयारी गर्न रिमाललाई शाहीको सुझाव
बन्दीपुरका वडाध्यक्ष कर्मचारी कुटेको आरोपमा पक्राउ
वडाको कामसँगै किबीखेतीमा व्यस्त वडाध्यक्ष थापा
नौ महिनादेखि वडाध्यक्षविहीन वडा कार्यालयमा ताला
वृद्धभत्ता खान श्रीमतीको उमेर बढाउने वडाध्यक्षलाई ९ महिना कैद हुने