जनकपुरधाम । धनुषामा प्रहरी टोली र मदिरा व्यवसायीबीच झडप भएको छ । शनिबार राति धनुषाधाम नगरपालिका ९ धरापानीस्थित प्रहरी र मदिरा व्यवसायीबीच झडप भएको हो ।
ईलाका प्रहरी कार्यालय ढलकेवर प्रहरी गोप्य सूचनाको आधारमा अवैध मदिरा नियन्त्रणमा लिन खोज्दा स्थानीय व्यावसायीसँग झडप भएको थियो । इलाका प्रहरी कार्यालय ढल्केवरका प्रहरी निरीक्षक प्रदिप सुवेदीले मदिरा नियन्त्रणमा लिँन खोज्दा स्थानीयले प्रहरीमाथि आक्रमण गर्दा केही समय झडप भएको जानकारी दिए ।
उनका अनुसार सुरुवात कम संख्यामा प्रहरी पुग्दा स्थानीयले हातपात गर्नुको साथै प्रहरीसंग दुव्र्यवहार गरेको थियो । स्थानीय व्यवसायीले प्रहरीलाई हातपात गर्नुको साथै प्रहरीको शरिरमाथि मदिरासमेत खन्याएका थिए ।
‘मदिरा बरामद गरी प्रहरी ढलकेवर ल्याउने क्रममा स्थानीयले प्रहरीमाथि हातपात पनि गरेका छन्,’उनले भने,‘ढुङ्गा प्रहार तथा प्रहरीको शरिरमाथि मदिरा खन्याएर दुर्वव्यवहार गरको छ ।’
प्रहरीमाथि दुव्र्यवहार र मदिरा खन्याएको आरोपमा तीन जना पक्राउ समेत परेका छन् । धनुषाधाम नगरपालिका ९ धारापानीका शुसिला थापा, लक्ष्मी साह र श्रवण कापरलाई पक्राउ गरेको प्रहरी निरीक्षक सुवेदीले जानकारी दिए । पक्राउ परेका तीनै जना ढलकेवर प्रहरीको हिरासतमा छन् ।
प्रहरी एक हजार ५० लिटर कच्चा पदार्थ र ६० लिटर तयारी मदिरा नियन्त्रणमा लिएर नष्ट गरेका छन् । स्थानीयको प्रहारबाट ना १ झ १२११ नम्बरको प्रहरी भ्यानको सिसामा क्षति पुर्याएको छ भने प्रहरी जवान राजु खानलाई चोटपटक लागेको छ ।
प्रतिक्रिया दिनुहोस
सफल खबर संवाददाता
आइतबार, ३० जेठ २०७८, १६ : ३५
लेखकबाट थप
सम्बन्धित समाचारहरु
कैलालीमा स्थानीय र प्रहरीबिच झडप
जीतपुरसिमरा उपमहानगरको नगर सभामा झडप
धनुषाको औरही गाउँपालिकामा झडप
सुनसरीमा हिजोदेखि कर्फ्यु, सर्वदलीय बैठक जारी
महानगर प्रहरी र फुटपाथ व्यवसायीबीच झडप हुँदा ११ जना घाइते
सुर्खेतमा यातायात व्यवसायीबिच झडप, दुई जना घाइते