काठमाडौँ । काठमाडौंमा निर्माण भइरहेको ढुंगाको वाल भत्किँदा दुई जनाको घटनास्थलमै मृत्यु भएको छ भने दुईजनाको अवस्था गम्भीर रहेको छ । राजधानीको चन्द्रागिरि नगरपालिकामा पर्ने पुरानो नैकाप कंकालीमा बनाइरहेको ढुंगाको वाल भत्किँदा दुई जनाको घटनास्थलमै मृत्यु भएको हो ।
घटनामा अन्य दुई जना गम्भीर घाइते भएको काठमाडौँ प्रहरी प्रवक्ता रमेश बस्नेतले जानकारी दिए।
मृत्यु हुनेमा उदयपुर बेलुवा–८ कि ३५ वर्षीया सीता राई र मकवानपुर राक्सिङ गाउँपालिकाका– ९ का २० वर्षीय टेकबहादुर छेपाङ रहेका छन्।
उदयपुरको कटारीका २१ वर्षका मिलन तामाङ र धादिङको गल्छीका १८ वर्षीय हरि घले घाइते भएको र उनीहरुको उपचार भइरहेको प्रहरीले जानकारी दिएको छ।
प्रतिक्रिया दिनुहोस
सफल खबर संवाददाता
बुधबार, १९ जेठ २०७८, १३ : ३९
लेखकबाट थप