गैँडाको संख्या बढेर ७५२ पुग्यो

चितवन । देशभरका निकुञ्ज तथा मध्यवर्ती क्षेत्रमा गैँडाको संख्या बढेका छन् ।

६ वर्षपछि भएको गणनामा देशभर १०७ वटा गैंडा थपिएको छ । राष्ट्रिय गैंडा गणना अनुसार चारवटा राष्ट्रिय निकुञ्ज तथा मध्यवर्ती क्षेत्रमा गैँडाको संख्या बढेर ७५२ वटा पुगेका हुन् ।  १३६ वटा बच्चा छन् भने ९६ अर्ध वयस्क र ५२० वटा वयस्क गैंडा छन् । सन् २०१५ मा भएको गणनामा नेपालमा ६४५ गैंडा थिए ।

चितवन राष्ट्रिय निकुञ्ज, मध्यवर्ती क्षेत्र र आसपासका वन क्षेत्रमा ६९४ वटा गैंडा रहेको पाइएको छ ।

बर्दिया राष्ट्रिय निकुञ्ज मध्यवर्ती क्षेत्र र आसपासका वन क्षेत्रमा ३८ वटा गैंडा छन् । यस्तै शुक्लाफाँटा राष्ट्रिय निकुञ्जमा १७ र पर्सा राष्ट्रिय निकुञ्जमा ३ वटा गैंडा छन् ।