राजधानीमा राजावादीको प्रदर्शनलाई मध्यनजर गर्दै  ठूलो संख्यामा सुरक्षाकर्मी परिचालन

काठमाडौं । राजधानीको माइतीघरमा आज गर्ने भनिएको राजावादीको प्रदर्शनलाई मध्यनजर गर्दै  ठूलो संख्यामा सुरक्षाकर्मी परिचालन गरिएको छ ।  मध्यान्ह माइतीघरमा राजावादीका समुहले बृहद् प्रदर्शनको तयारी गरेका छन् ।

सो प्रदर्शनका क्रममा अप्रिय घटना हुन नपाओस् भन्ने उद्देश्यले सुरक्षा निकायले विशेष सतर्कता अपनाउँदै बाक्लो संख्यामा सुरक्षाकर्मी परिचालन गरेको हो । प्रदर्शनका क्रममा राजावादीहरु विभिन्न नारा अंकित ब्यानर र प्लेकार्ड र राष्ट्रिय झण्डासहित माइतीघरतर्फ भेला हुने क्रम जारी छ ।

केही दिनअघि मात्रै जिल्ला प्रशासन कार्यालय काठमाडौंले राजावादीको प्रदर्शनलाई मध्यजर गर्दै काठमाडौंमा प्रदर्शन, भेला तथा जुलुस नगर्न आग्रह गरेको थियो । पछिल्ला केही दिन यता विभिन्न जिल्लामा राजावादी समुहहरुले प्रदर्शन गर्दै आईरहेका छन् ।