प्रस्तावित राजदूतहरु खतिवडा, रेग्मी र विश्वकर्माविरुद्ध उजुरी आह्वान

काठमाडौँ । अमेरिका, बेलायत र दक्षिण अफ्रिकाका लागि प्रस्तावित राजदूतहरुको सुनुवाई प्रकृया सुरु भएको छ । 

संसदीय समितिले प्रकृया सुरु गर्दै प्रस्तावित राजदूतहरुविरुद्ध १० दिने उजुरी आह्वान गरेको  छ । आज बसेको समिति बैठकले भोलीबाट लागु हुने गरी अमेरिकाका लागि प्रस्तावित राजदूत डा. युवराज खतिवडा, बेलायतका लागि प्रस्तावित राजदूत पूर्व मुख्य सचिव लोकदर्शन रेग्मी र दक्षिण अफ्रिाकाका लागि प्रस्तावित राजदूत डा. निर्मलकुमार विश्वकर्मा विरुद्ध उजुरी आह्वान गरेको हो । संसदीय समितिको कार्यविधि २०७५ को दफ १२  बमोजिम उजुरी आह्वान गरिएको समितिका सभापति लक्ष्मणलाल कर्णले बताए ।

खतिवडालाई अमेरिकाका लागि आवासीय र अमेरिकाको अलावा पनामा, कोष्टारिका, मेक्सिको, एल्साल्भाडोर, होन्डुरस र ग्वान्टेमालाका लागि राजदूतमा नियुक्तिका लागि सिफारिस गरिएको छ । पूर्वमुख्यसचिव रेग्मीलाई बेलायतका लागि आवासीय, गणतन्त्र आयरल्याण्ड र गणतन्त्र माल्टाका लागि गैरआवासीय राजदूतका लागि सिफारिस गर्ने निर्णय सरकारले गरेको थियो । 

डा. निर्मलकुमार विश्वकर्मालाई दक्षिण अफ्रिकाका लागि आवासिय राजदूत र वोत्सुवाना, केन्थ्या, कंगो, तान्जानीया, जाम्भीया, जिम्भावे, ज्ञावेन लगायतका देशका लागि ग्रैह्रआवसिय राजदूत पदमा नियुक्त गर्न सिफरिस गरेको छ ।