कोरोना संक्रमित रौतहटका एक पुरुषको उपचारको क्रममा वीरगन्जमा मृत्यु

वीरगन्ज । वीरगन्जमा उपचार गराईरहेको कोरोना संक्रमित रौतहटका एक पुरुषको मृत्यु भएको छ । नारायणी अस्थायी गण्डक कोरोना अस्पतालमा उपचार गराइरहेका रौतहट राजपुरका ४० वर्षीय पुरुषको आइतबार बिहान मृत्यु भएको छ । 

शुक्रबार उक्त अस्पताल भर्ना भएका उनको उपचार क्रममा आइतबार बिहान ७ बजेर ४० मिनेटमा मृत्यु भएको नारायणी अस्पतालका प्रवक्ता डा. अतुलेश चौरसियाले बताए । 

मधुमेहका समेत बिरामी रहेका युवकमा पछिल्लो समय गम्भीर निमोनिया देखिएको अस्पतालले जनाएको छ ।