सप्तरीमा कोरोना संक्रमित महिलाको मृत्यु

सप्तरी ।  कोरोना संक्रमित एक महिलाको सप्तरीमा  मृत्यु भएको छ । सप्तरीको राजविराज नगरपालिका वडा नम्बर २ की ६५ वर्षीया महिलाको मृत्यु भएको जिल्ला स्वास्थ्य कार्यालय सप्तरीका प्रमुख दुनियालाल यादवले जानकारी दिए ।

शुक्रबार गजेन्द्रनारायण सिंह सगरमाथा अस्पतालको आकश्मिक कक्षमा भर्ना भएकी उनको सोही दिन स्वाब संकलन गरिएकोमा शनिबार रिपोर्ट पोजेटिभ आएको थियो ।

तर शनिबार राति  उपचारकै क्रममा सास फेर्न गाह्रो भएपछि ती महिलालाई थप उपचारका लागि विराटनगर रिफर गरिएको थियो । तर तिनको बाटोमै मृत्यु भएको यादवले बताए । कोरोना संक्रमणबाट सप्तरीमा हालसम्म ६ जनाको मृत्यु भएको छ ।