चितवनमा  थप १ जना कोरोना संक्रमित पुरुषको मृत्यु

चितवन । भरतपुरमा रहेको चितवन मेडिकल कलेजमामा उपचाररत एकजना कोरोना संक्रमित पुरुषको निधन भएको छ । पोखरामा गरिएको कोरोना परीक्षणमा ती पुरुषको आज अपराह्न कोरोना रिपोर्ट ‘पोजिटिभ’ आएको थियो । 

नवलपरासीको विनयी त्रिवेणी–६ का ६२ वर्षीय पुरुषको आज साँझ मृत्यु भएको अस्पतालका निर्देशक डा . दयाराम लम्सालले बताए ।

निमोनिया भएर श्वासप्रश्वासको समस्या भएपछि भदौ ४ गते चितवन मेडिकल कलेजमा भर्ना भएका थिए । उनलाई भेन्टिलेटरको सहायतामा राखेर उपचार गरिएको थियो ।